کشمیر کے معاملے میں کسی بھی حد تک جا سکتے ہیں، چیف آف آرمی اسٹاف

 

پبلک نیوز (راولپنڈی) چیف آف آرمی اسٹاف جنرل قمر جاوید باجوہ نے کور کمانڈر کانفرنس میں کہا ہے کہ کشمیر کے معاملے میں کسی بھی حد تک جا سکتے ہیں، پاک فوج کشمیریوں کی جدوجہد میں ان کے ساتھ ہے۔ کشمیر کے معاملے میں ذمہ داری ادا کرنے کے لیے بھی تیار ہیں۔

 

تفصیلات کے مطابق مقبوضہ وادی جموں کشمیر میں بھارتی ظلم و ستم اور لائن آف کنٹرول پر بھارتی جارحیت کے پیش نظر کور کمانڈرز کانفرنس، چیف آف آرمی اسٹاف جنرل قمر جاوید باجوہ کی زیر صدارت کانفرنس میں مقبوضہ کشمیر اور ایل او سی کی صورتحال پر غور کیا گیا۔ آرمی چیف کا کہنا تھا کہ پاک فوج کشمیریوں کی جدوجہد میں ان کے ساتھ ہے اور کسی بھی حد تک جا سکتے ہیں۔

 

کانفرنس میں بھارتی اقدامات مسترد کرنے پر پاک فوج کی طرف سے حکومت کی مکمل حمایت کا اعلان کیا گیا اور اس بات پر اتفاق کیا گیا پاکستان کبھی مقبوضہ کشمیر پر قبضے کو جائز قرار دینے کے بھارتی ہتھکنڈوں کو قبول نہیں کرے گا۔

 

کانفرنس میں دو ٹوک اعلان کیا گیا کہ پاک فوج کشمیر کے معاملے میں ذمہ داری ادا کرنے کو تیار ہے اور کشمیریوں کی جائز جدوجہد کی کامیابی تک ان کے شانہ بشانہ کھڑی ہے۔

احمد علی کیف  3 ماه پہلے

متعلقہ خبریں