حکومت کے کہنے پر بجلی مزید مہنگی کرنے کی منظوری

پبلک نیوز: مہنگائی کی بجلی عوام پر گرنے کو تیار، نیپرا نے بجلی کی نرخوں میں ایک روپیہ انچاس پیسے فی یونٹ اضافے کی منظوری دے دی۔

نیپرا کے مطابق بجلی کے نرخوں میں اضافہ حکومت کی درخواست پر کیا گیا ہے۔ قیمت میں اضافہ رواں مالی سال کی پہلی اور دوسری سہ ماہی کے لیے کیا گیا ہے۔ حکومت نے دو سو ایک ارب کے بقایا جات کی وصولی کے لیے دو روپے فی یونٹ اضافہ کی درخواست کی تھی۔

نیپرا نے ایک روپیہ انچاس پیسے فی یونٹ اضافے کی منظوری دے دی۔ نرخوں میں اضافے سے صارفین پر ایک سو نواسی ارب کا اضافی بوجھ پڑے گا۔ بجلی کے نرخوں میں اضافہ کا اطلاق کے الیکٹرک کے علاوہ تمام بجلی کی تقسیم کار کمپنیوں پر ہو گا۔

نرخوں میں اضافہ پندرہ ماہ کے دوران عوام سے وصول کیا جائے گا۔ رواں مالی سال کی تیسری اور چوتھی سہ ماہی کے حوالے سے بقایا جات کی وصولی کا فیصلہ بعد میں کیا جائے گا۔

احمد علی کیف  2 ماه پہلے

متعلقہ خبریں