شہباز شریف فیملی منی لانڈرنگ کیس میں نیا انکشاف

 

لاہور (پبلک نیوز) شہباز شریف، حمزہ،سلمان اور نصرت شہباز کے خلاف منی لانڈرنگ انکوائری میں پیشرفت سامنے آ گئی۔ چپڑاسی، مزدور اور ملازمین کے بعد برتن فروش کے نام سے بینک اکاؤنٹس سے ٹرانزیکشن کا انکشاف ہوا ہے۔

 

تفصیلات کے مطابق شہباز شریف فیملی کے خلاف منی لانڈرنگ انکوائری میں نئی پیشرفت سامنے آ گئی۔ شہباز شریف اور اہل خانہ نے برتن فروش اشفاق کے نام سے جعلی بنک اکاؤنٹس سے ٹرانزیکشنز کیں۔ کالا دھن سفید کرنے میں برتن فروش کا شناختی کارڈ اور بنک اکاؤنٹس استعمال کیے گئے۔

 

نیب ذرائع کا کہنا تھا کہ برتن فروش کا نام استعمال کر کے برطانیہ سمیت دیگر ممالک میں خطیر رقوم بھجوائی گئیں۔ تفتیش کے بعد برتن فروش اشفاق کے نام سے کی گئی بنک ٹرانزیکشنز کا ریکارڈ مرتب کر لیا گیا۔

 

واضح رہے کہ منی لانڈرنگ انکوائری میں حمزہ شہباز کو گرفتار اور سلمان شہباز کے خلاف ٹرائل کورٹ میں درخواست دائر کی جا چکی ہے۔ شہباز شریف، اہلیہ اور دیگر اہل خانہ سے بھی مالی تفصیلات طلب کی گئی ہیں۔

احمد علی کیف  1 ماه پہلے

متعلقہ خبریں