اسلام آباد(ویب ڈیسک) پاکستان رہنے کے لیے سستا ترین ملک ہے۔ GoBankingRatesCompany کے اعداد وشمار کے حساب سے سستے ترین ممالک میں افغانستان دوسرے، بھارت تیسرے اور شام چوتھے نمبر پر ہے۔
GoBankingRatesCompany کے رہائشی انڈیکس کی لاگت کے مطابق پاکستان کو 'رہنے کے لیے دنیا کا سب سے سستا ملک' قرار دیا گیا ہے جس کی لاگت کا انڈیکس 18.58 ہے، اس کے بعد افغانستان 24.51، بھارت 25.14 اور شام 25.31 ہے۔ رہنے کے لیے سستے ممالک کا تعین کرنے کے لیے کئی تنظیموں نے اعدادوشمار کا استعمال کیا ہے۔ ان کمپنیوں میں سے ایک GoBankingRates ہے اور کمپنی چار میٹرکس استعمال کرتی ہے تاکہ یہ معلوم کیا جا سکے کہ کون سے ممالک سب سے زیادہ سستے ہیں۔
استعمال شدہ میٹرکس میں رینٹ انڈیکس، مقامی خریداری پاور انڈیکس، کنزیومر پرائس انڈیکس، گروسری انڈیکس اور مرتب کردہ معلومات کا موازنہ نیو یارک شہر میں رہنے کی لاگت سے کیا جاتا ہے، جو دنیا کے مہنگے ترین شہروں میں سے ایک ہے۔ انڈیکس کے مطابق پاکستان میں روز مرہ استعمال کی اشیاء کی قیمتوں میں استحکام اس امر کی تصدیق کرتا ہے کہ یہ زندگی گزارنے کے لیے سستا ترین ملک ہے۔
اس کے برعکس دنیا بھر میں روزمرہ کی اشیاء کی قیمتوں میں تیزی سے اضافہ ہوا ہے جس نے دنیا کی سب سے زیادہ ترقی پذیر معیشتوں کو کورونا وائرس وبائ کے دوران شدید متاثر کیا ہے جس کے نتیجے میں فی کس آمدنی میں کمی آئی ہے اور روزانہ کی افراط زر میں زبردست اضافہ ہوا۔
امریکی محکمہ زراعت کی تازہ رپورٹ کے مطابق 2021-22 میں عالمی خوراک کی فراہمی میں اضافے کی توقع ہے اور اسی طرح روز مرہ استعمال کی اشیاء کی قیمتیں، مضبوط مانگ اور رسد کی کمی کی وجہ سے۔ جبکہ اقوام متحدہ کے فوڈ اینڈ ایگریکلچر آرگنائزیشن (ایف اے او) کی ایک متعلقہ رپورٹ میں پیش گوئی کی گئی ہے کہ عالمی خوراک کی قیمتیں ماہانہ بنیادوں پر بڑھنے والی ہیں۔
GoBankingRatesCompany نے اس کے برعکس کہا کہ مہنگے ترین ممالک میں کیمن جزائر 141.64 ، برمودا 138.22 ، سوئٹزرلینڈ 122.67 اور ناروے 104.49 شامل ہیں۔ ان چاروں ممالک میں نیو یارک شہر کے مقابلے میں رہنے کی قیمت زیادہ ہے۔ زندگی گزارنے کی لاگت وہ رقم ہے جو کسی جگہ پر قیام کی ایک مخصوص سطح کو برقرار رکھنے کے لیے درکار ہوتی ہے اور اس میں بنیادی باتیں جیسے رہائش، گروسری، ٹیکس اور صحت کی دیکھ بھال شامل ہوتی ہے۔
کچھ ممالک میں رہائش کی قیمت بہت زیادہ ہے ، خاص طور پر بڑے شہروں کے آس پاس کے علاقوں میں جیسا کہ امریکہ میں نیو یارک اور سان فرانسسکو جیسے شہروں میں رہنے کی قیمت بہت زیادہ ہے۔