ویب ڈیسک: ورلڈ بینک کے کنٹری ڈائریکٹر برائے پاکستان ناجے بنحیسن نے کہا ہے کہ پاکستان میں معاشی استحکام مضبوط ہورہا ہے۔
تفصیلا ت کے مطابق ورلڈ بینک کے پاکستان میں کنٹری ڈائریکٹر ناجے بنحیسن نے اپنے بیان میں کہا ہے کہ معاشی استحکام سے پاکستان کے لیے 10 سالہ ترقیاتی منصوبے کے معاہدے پر دستخط کرنے کا موقع آ گیا۔
ناجے بنحیسن کا کہنا تھا کہ یہ منصوبہ نئے کنٹری پارٹنر شپ فریم ورک کے تحت 20 ارب ڈالر کے ترقیاتی قرضے پر مشتمل ہو گا، اس فنڈنگ کا استعمال صاف توانائی اور ماحولیاتی بحالی جیسے شعبوں میں کیا جائے گا۔
پاکستان کے ساتھ کنٹری پارٹنرشپ فریم ورک کا اعلان گزشتہ ماہ کیا گیا تھا،2026 کے بعد سے یہ فنڈنگ کلین انرجی اور کلائمیٹ رزیلینس کیلئے دی جائے گی،یہ ورلڈ بینک اور پاکستان کے درمیان شراکت داری کا اہم لمحہ ہے.
کنٹری ڈائریکٹر نے کہا کہ اس وقت پاکستان استحکام کی جانب گامزن ہے، پاکستان میں طویل مدتی ترقی کے لیے نئے مقاصد اور منصوبے ہیں،یہ منصوبے عالمی بینک کی ترجیحات سے بالکل ہم آہنگ ہیں۔