(ویب ڈیسک ) فلسطین کی مزاحمتی تنظیم حماس کے سربراہ شہید یحییٰ سنوار کی آخری وصیت سامنے آگئی ہے .
واضح رہے کہ 16 اکتوبر کو حماس کے سربراہ یحییٰ سنوارغزہ کے علاقے رفح میں اسرائیلی فورسز سے بہادری کے ساتھ لڑتے ہوئے شہید ہوگئے تھے،انہیں خوف کی علامت سمجھا جاتا تھا۔
اب یحییٰ سنوار کی آخری وصیت سامنے آگئی ہے جسے حماس کے رہنما اسامہ حمدان نے میڈیا کو پڑھ کر سنایا۔انہوں ن بتایا کہ اپنی شہادت سے 2 ہفتے قبل یحییٰ سنوار نے خط لکھا تھا جس میں قیادت اور کارکنوں کو مخاطب کیا گیا ہے۔
حماس کے شہید رہنما یحییٰ سنوار نے لکھا کہ ہمیں سمجھنا ہوگا یہ ایک جنگ ہے اور یہ جنگ بہت سے لوگوں کی توقع سے زیادہ طویل ہوسکتی ہے لیکن یہ جنگ جتنی طویل ہوگی تو ہم آزادی کے اتنے ہی قریب پہنچے گے، یہ ہماری زمین سے اسرائیل کے وجود کا خاتمہ ہوگا۔
انہوں نے حکم دیا کہ اس لیے خود کو ایک طویل اور شدید جنگ کیلئے تیار کرو، اس قبضے سے ہم باہر نکلیں گے اور بیت المقدس کے دروازے پر پہنچیں گے۔