ویب ڈیسک: بالی ووڈ اداکارہ ودیا بالن مصنوعی ذہانت (اے آئی) سے تخلیق کی گئی ڈیپ فیک (جعلی اور جھوٹی) ویڈیو کا تازہ ترین شکار بنی ہیں۔
اس حوالے سے انہوں نے ایک نوٹ سوشل میڈیا پر شیئر کیا جس میں انہوں نے اپنے پرستاروں کی انکی مصنوعی ذہانت سے بنائی گئی جعلی ویڈیوز سے خبردار کیا جو کہ واٹس ایپ پر زیر گردش ہے۔
ودیا بالن نے کہا کہ ویڈیو میں جو کچھ بھی کہا گیا ہے اسے ان سے منسوب نہ کیا جائے، انہوں نے پرستاروں سے کہا کہ وہ ناصرف اس سے محتاط رہیں بلکہ شیئر کیے گئے مواد کی تصدیق بھی کریں۔
واضح رہے کہ اس ویڈیو میں ودیا کو یہ کہتے سنا جاسکتا ہے کہ "میں ہوں آپ سب کی فیوریٹ ودیا بالن۔"
تاہم اس ویڈیو کو دیکھنے کے بعد اداکارہ پرینیتا نے اپنے پرستاروں کو خبردار کیا کہ یہ جعلی ہے کیونکہ اس پر ایک بڑا اسکیم الرٹ لگا تھا جبکہ ویڈیو میں ہونٹوں کی حرکت بھی مصنوعی تھی۔