ویب ڈیسک: ٹانک میں افسوسناک واقعہ پیش آیا ہے جس میں چار بچے کرنٹ لگنے سے جاں بحق ہوگئے۔
ذرائع کے مطابق ٹانک کے نواحی علاقہ گرہ مٹھو میں کرنٹ لگنے سے 4 بچے موقع پر جاں بحق ہوگئے،ڈپٹی کمشنر ٹانک تنویراحمد کے مطابق جاں بحق ہونے والوں میں 3 بھائی ہیں، بچوں کی عمریں 10 سے 12 سال کے درمیان ہیں۔
ڈپٹی کمشنر نے بتایا کہ واقعے کی تصدیق کردی ہے، پولیس کا کہنا ہے کہ جاں بحق بچوں کا تعلق ایک ہی خاندان سے ہے،خاندانی ذرائع کا کہنا ہے کہ بچے مال مویشی چروارہے تھے جس دوران انہیں کرنٹ لگا اور وہ جاں بحق ہوگئے۔
ڈپٹی کمشنر ٹانک نے مزید بتایا کہ واقعے کی مکمل تفتش کی جارہی ہے ذمہ داران کے خلاف ایکشن لیا جائے گا۔