ویب ڈیسک: پاکستان میں رمضان المبارک کے روزے اور عبادات کا سلسلہ جاری ہے اور اب عید الفطر کی آمد کے حوالے سے توقعات بھی بڑھتی جا رہی ہیں، پاکستان میں عید الفطر 2025 ممکنہ طور پر 31 مارچ کو ہونے کا امکان ہے۔
تفصیلات کے مطابق رویت ہلال ریسرچ کونسل کے مطابق پاکستان میں عید الفطر 31 مارچ 2025 بروز پیر منائے جانے کا امکان ہے۔ کونسل کے رکن نے بتایا کہ 30 مارچ بروز اتوار ملک کے بیشتر حصوں میں شوال کا چاند نظر آنے کا قوی امکان ہوگا۔
یہ بھی پڑھیں: عمران خان اوربشریٰ بی بی کا 8پہرکاروزہ،بیرسٹرسیف نےبڑاانکشاف کردیا
ماہرین کے مطابق شوال کا چاند 29 مارچ بروز ہفتہ کو پیدا ہوگا اور 30 مارچ کی شام تک اس کی عمر 26 گھنٹے سے زائد ہو چکی ہوگی جو انسانی آنکھ سے بآسانی دیکھا جا سکے گا۔
چاند کے نظر آنے کے لیے اس کی کم از کم عمر 18 گھنٹے ہونا ضروری ہے جو کہ اس تاریخ کو پورے پاکستان میں پوری ہو رہی ہے۔
پاکستان میں 2025 میں عید الفطر کی چھٹیوں کا دورانیہ طویل ہو سکتا ہے چونکہ عید کے ایام ہفتہ اور اتوار کے ساتھ منسلک ہوں گے، اس لیے عوام کو پانچ دن کی تعطیلات ملنے کا امکان ہے۔
ویڈیودیکھیں: مسجد میں نماز پڑھتے شہری کالیپ ٹاپ بیگ چوری،ویڈیوسامنے آگئی
اگر حکومت 2 اضافی تعطیلات کا اعلان کرتی ہے تو مجموعی طور پر 29 مارچ سے 6 اپریل تک 9 دن کی طویل چھٹیاں ہو سکتی ہیں جس سے عوام کو عید کی خوشیوں کو بھرپور طریقے سے منانے کا موقع ملے گا۔
حتمی اعلان رویت ہلال کمیٹی رمضان المبارک کے آغاز سے قبل کرے گی جس میں چاند نظر آنے کی تصدیق کے بعد عید کی درست تاریخ طے کی جائے گی۔