ویب ڈیسک: بیرسٹر سلمان اکرم راجہ نے کہا ہے کہ یہ دور جھوٹے بیانیہ کا ہے۔ جبر کا موسم ہے، عمران خان سے ملاقاتیں نہیں کروائی جاتی۔ ہمارے لوگوں کو گرفتار کرنے کی کوشش کی جاتی ہے،مزید کہا کہ شیر افضل مروت کی پارٹی ممبر شپ کا فیصلہ بانی پی ٹی آئی عمران خان ہی کریں گے۔
تفصیلات کے مطابق بیرسٹر سلمان اکرم راجہ نے اسلام آباد ہائیکورٹ میں میڈیا سے گفتگو کرتے ہوئے کہا کہ بانی پی ٹی آئی عمران خان سے ملاقاتیں نہیں کروائی جاتی۔ ہمارے لوگوں کو گرفتار کرنے کی کوشش کی جاتی ہے۔بانی کی ہفتہ وار 2 ملاقاتیں آئینی حق ہے اور عدالتی حکم بھی موجود ہے۔
بیرسٹر سلمان اکرم راجہ نے کہا کہ فارم 47 پر شیرافضل مروت کے بیان پر میں تبصرہ نہیں کروں گا۔شیر افضل مروت کی پارٹی ممبر شپ کا فیصلہ بانی پی ٹی آئی عمران خان ہی کریں گے،سب کو پتہ ہے فارم 47 پر کون جیتا ہے،حکومت سے تو الیکشن سے متعلق رپورٹ اور صحافی برداشت نہیں ہورہے،سرور باری صاحب کے گھر اور دفتر پر حملہ ہوا۔یہ دور جھوٹے بیانیہ کا ہے۔ جبر کا موسم ہے،ہم اس جبر کے خلاف لڑتے رہیں گے۔
بیرسٹر سلمان اکرم راجہ نے مزید کہا کہ جھوٹ فریب و مکر کی حکومت میں پرویز خٹک جیسے لوگ ہی لگیں گیے نا!۔26 نومبر کے حوالے سے ہمارے پاس بہت مواد موجود ہےلیکن اس وقت کچھ آئیڈیل عدالتی صورتحال بھی نہیں حکمت عملی سے آگئے بڑھ رہے ہیں۔