ویب ڈیسک: بھارت نے پاکستان کا چیمپئنز ٹرافی پر نئے فارمولے کا مطالبہ تسلیم کر لیا، بھارتی میڈیا کا دعوی جس میں کہا گیا پی سی بی، بی سی سی آئی اور آئی سی سی کے درمیان ہائبرڈ ماڈل پر اتفاق پاگیا۔
بھارتی میڈیا کا کہناتھا کہ چیمپینز ٹرافی میں بھارتی میچز پی سی بی کی تجویز کردہ فارمولے پر ہوں گے، پی سی بی نے پارٹنرشپ فارمولے کی تجویز دے رکھی ہے۔
بھارتی میڈیا نےدعوی کیا کہ چیمپینز ٹرافی میں بھارت اپنے تمام میچز نیوٹرل وینیو پر کھیلے گا، سیمی فائنل اور فائنل میں بھارتی ٹیم کی رسائی نہ ہونے پر میچز پاکستان میں ہوں گے۔
پاکستان اگلے تین سال تک بھارت میں شیڈول آئی سی سی ایونٹ کے میچز نیوٹرل وینیو پر کھیلے گا، پاکستان ٹیم بھارت میں شیڈول کسی آئی سی سی ایونٹ کھیلنے کے لیے بھارت نہیں جائے گی۔