ویب ڈیسک: پی ٹی اے کا فکسڈ سیٹلائٹ سروسز کی فراہمی کے لیے لائسنس کے اجرا کا فیصلہ کیا ہے۔جس کے لیےپی ٹی اے نے فکسڈ سیٹلائٹ سروسز لائسنس کیلئے ڈرافٹ تیار کرلیا ہے۔
ڈرافٹ کے مطابق ایف ایس ایس کے تحت فکسڈ ارتھ اسٹیشنز، فکسڈ گیٹ وے ارتھ اسٹیشنزکے قیام کی اجازت ہوگی۔ فکسڈ سیٹلائٹ سروسز لائسنس کے تحت فکسڈ ٹرمینل ارتھ اسٹیشنز کے قیام کی اجازت دی جائے گی۔یہ سروس صرف رجسٹرڈ سیٹلائٹ آپریٹر کے ذریعے فراہم کی جا سکتی ہے۔ لائسنس کے تحت عوامی سوئچڈ زمینی نیٹ ورک اورموبائل سیٹلائٹ سروسزکی ممانعت ہوگی ۔
لائسنس کے تحت ریڈیو اور ٹی وی براڈکاسٹنگ کی اجازت نہیں ہوگی ۔بحری جہاز، ہوائی جہاز اور گاڑیوں کے لیے سیٹلائٹ پر مبنی سروسز کی اجازت نہیں ہوگی ۔پاکستان ٹیلی کمیونیکیشن ایکٹ، رولز، اور پاکستان اسپیس ایکٹیوٹیز رولز 2024 کی پابندی لازمی ہوگی ۔فکسڈ سیٹلائیٹ سروسز لائسنس کی معیاد 15 سال ہوگی۔فکسڈ سیٹلائیٹ سروسز لائسنس ہولڈر کو 18 ماہ کے اندر سروسز کا آغاز کرنا ہوگا ۔
فکسڈ سیٹلائیٹ سروسز لائسنس کی ابتدائی فیس 5 لاکھ ڈالرز ہوگی ۔ لائسنس ہولڈر کو صارفین کے ڈیٹا کا تحفظ اور شفاف بلنگ سسٹم یقینی بنانا ہوگا۔ پی ٹی اے نے فکسڈ سیٹلائٹ سروسز لائسنس کے ڈرافٹ پر عوامی مشاورت کا آغاز کردیا۔ پی ٹی اے نے ڈرافٹ پر اسٹیک ہولڈرز سے 14 فروری تک رائے طلب کرلی۔