ویب ڈیسک:پنجاب سی ایم لیپ ٹاپ سکیم 2025، اہلیت کا معیار ،پالیسی طے پا گئی، یونیورسٹی طلباء کیلئے 20ہزار ، کالج کیلئے 14ہزار لیپ ٹاپ مختص کر دیئے گئے۔
ٹیکنیکل ،ایگریکلچر طلباء کیلئے 4ہزار، میڈیکل ،ڈینٹل کالج کےطلباء کیلئے 2ہزار لیپ ٹاپ مختص کئے گئے، کمپیوٹر سائنس، طب، انجینئرنگ، سماجی علوم کے طلبا کو لیپ ٹاپ دئیے جائیں گے۔
کاروبار، زراعت،مطالعہ کے دیگر طلباء کو بھی لیپ ٹاپ فراہم کئے جائیں گے، سکیم کے تحت پنجاب بھر کےمستحق طلباء میں ایک لاکھ لیپ ٹاپ تقسیم ہونگے،سکیم کا مقصد ڈیجیٹل خواندگی کو فروغ دینا ،طلباء کو جدید تکنیکی آلات فراہم کرنا ہے۔
میٹرک سے پوسٹ گریجوایٹ سطح تک مستحق طلبا میں 1لاکھ لیپ ٹاپ تقسیم ہونگے،طلبا میں کورآئی سیون پروسیسرز کے ساتھ 13ویں جنریشن کے لیپ ٹاپ تقسیم ہونگے،حکومت نے 2 ہزار اقلیتی طلباء کو لیپ ٹاپ فراہم کرنے کا بھی وعدہ کیا۔
جنوبی پنجاب کے 32فیصد طلبا کو لیپ ٹاپ فراہم کئے جائیں گے، لیپ ٹاپ سکیم 2025 کیلئے اہل طلباء کاڈیٹاتعلیمی اداروں کے ذریعے اکٹھا کیا جائیگا،تعلیمی ادارے تعلیمی کارکردگی کی بنیاد پر اہل طلبہ کا ڈیٹا اکٹھا کریں گے۔
ایچ ای سی پنجاب منتخب طلباء کی حتمی فہرست کی تصدیق اور جاری کرے گا،لیپ ٹاپ کی تقسیم رمضان المبارک کے بعد شروع کی جائے گی۔