(ویب ڈیسک ) 116 سالہ جاپانی خاتون کا انتقال ، طویل ترین عمر کا ریکارڈ اب برازیل کی کینا برو لوکاس کے پاس آگیا۔
گنیز ورلڈ ریکارڈ کے مطابق جاپانی خاتون ٹومیکو ایتوکا دنیا کی معمر ترین شخصیت تھیں۔ ٹومیکو ایتوکا کا 116 سال کی عمر میں انتقال ہو گیا ہے۔
بزرگوں سے متعلق پالیسیوں کے انچارج ایک اہلکار یوشیٹسوگو ناگاتا نے بتایا کہ ایتوکا کا انتقال 29 دسمبر کو وسطی جاپان کے ہیوگو پریفیکچر کے آشیہ میں ایک کیئر ہوم میں ہوا۔
اب دنیا کی معمر ترین شخصیت اب 116 سالہ برازیلین راہبہ اناح کینابرو لوکاس ہیں۔
جاپان کی ایتوکا 23 مئی 1908 کو پیدا ہوئیں۔ جیرونٹولوجی ریسرچ گروپ کے مطابق، وہ 117 سالہ ماریہ برانیاس کی موت کے بعد گزشتہ سال سب سے معمر شخصیت بن گئیں تھیں۔
جب اس بارے میں انھیں بتایا گیا تھا کہ وہ ورلڈ سپرسینٹیرینین رینکنگ کی فہرست میں سب سے اوپر ہیں، تو انھوں نے سادگی سے جواب دیا تھا، آپ کا شکریہ۔
جب ایتوکا نے گزشتہ سال اپنی سالگرہ منائی تو انھیں میئر کی طرف سے پھول، کیک اور ایک کارڈ بھیجا گیا تھا۔
جیرونٹولوجی ریسرچ گروپ کے مطابق، دنیا کی معمر ترین شخصیت اب 116 سالہ برازیلین راہبہ اناح کینابرو لوکاس ہیں۔ اناح، ایتوکا کے 16 دن بعد پیدا ہوئیں ہیں۔