امریکا: محمد رضوان کی سڑک پر نماز پڑھنے اور اذان دینے کی ویڈیو وائرل

قومی ٹیم کے وکٹ کیپر بیٹسمین محمد رضوان کی امریکا میں سڑک پر نماز پڑھنے اور اذان دینے کی ویڈیو وائرل ہوگئی ہے۔ سوشل میڈیا پر بیٹر محمد رضوان کی اذان دینے اور سڑک کنارے نماز ادا کرنے کی ویڈیووائرل ہوئی ہے۔ویڈیو میں انہیں گاڑی سڑک کنارے کھڑی کرکے سڑک پر نماز ادا کرتے دیکھا جاسکتا ہے۔ خیال رہے کہ قومی ٹیم کے کپتان بابر اعظم اور بیٹر محمد رضوان ہاورڈ یونیورسٹی کے ایجوکیشن پروگرام کیلئے امریکا میں موجود ہیں ۔انہوں نے 31 مئی سے 3 جون تک ایجوکیشن پروگرام میں شرکت کی۔دونوں قومی کرکٹرز اس پروگرام میں شرکت کرنے والے پہلے پروفیشنل کرکٹر ہیں ۔ اس سے پہلے خبر سامنے آئی تھی کہ ہارورڈ یونیورسٹی کےایجوکیشن پروگرام کے دوران محمد رضوان نے اپنی استاد کو قرآن پاک کا انگریزی ترجمہ تحفے میں دیا جس کی تصویر بھی سوشل میڈیا پر کافی وائرل ہورہی تھی۔