ویب ڈیسک: وراٹ کوہلی کی سالگرہ کے موقع پر ان کی اہلیہ اداکارہ انوشکا شرما نے سوشل میڈیا پر ایک تصویر شیئر کی ہے۔ اس تصویر میں وراٹ کوہلی اپنے بیٹے اکائے کوہلی اور بیٹی وامیکا کوہلی کے ساتھ مستی کرتے نظر آ رہے ہیں۔ اس تصویر کو شیئر کرکے اداکارہ نے اپنے شوہر کی سالگرہ پر مداحوں کو خصوصی تحفہ دیا ہے۔
تفصیلات کے مطابق اداکارہ انوشکا شرما نے انسٹاگرام پر ایک خوبصورت پوسٹ کے ذریعے وراٹ کوہلی کو ان کی 36 ویں سالگرہ کی مبارکباد دی ہے۔ انوشکا نے وراٹ کی اپنے بیٹے اکائے اور بیٹی وامیکا کے ساتھ ایک خوبصورت تصویر شیئر کی ہے۔ اداکارہ نے اس تصویر کے ذریعے اپنی محبت کا اظہار بھی کیا ہے۔ یہ پہلا موقع ہے جب انوشکا نے مداحوں کے ساتھ اپنے بیٹے کی جھلک شیئر کی ہے ۔ انہوں نے اس سال کے شروع میں اکائے کا خیر مقدم کیا تھا۔انوشکا کی جانب سے شیئر کی گئی تصویر مداحوں کا دل جیت رہی ہے۔ اس کے علاوہ یہ تصویر انٹرنیٹ پر بھی کافی وائرل ہو رہی ہے۔ سامنے آئی تصویر میں وراٹ نے بے بی ہولڈر پہنا ہوا تھا اور اکائے کو اپنے سینے سے لگا رکھا تھا ۔ وہیں کرکٹر کی گود میں بیٹی وامیکا بھی تھی۔ تصویر میں تینوں کافی خوش نظر آ رہے تھے۔ تاہم انوشکا نے اکائے اور وامیکا کے چہروں کو ہارٹ ایموجیز سے چھپا رکھا ہے۔
انوشکا کی تصویر کا کیپشن بھی لوگوں کا دھیان کھینچنے میں کامیاب دکھائی دے رہا ہے۔ اداکارہ نے تصویر کے ساتھ دل اور آنکھوں کا ایموجی بھی شیئر کیا ہے۔ کچھ لوگ انوشکا کی پوسٹ پر تبصرے کر کرے وراٹ کو سالگرہ کی مبارکباد دے رہے ہیں، جب کہ کچھ لوگ اکائے اور وامیکا پر پیار لٹا رہے ہیں۔
ویرات اور انوشکا کے مداحوں کا ردِ عمل
اس معروف جوڑی کے چاہنے والے بھارت کے ساتھ ساتھ دیگر ممالک میں بھی موجود ہیں، جو اس خوبصورت پوسٹ کے کمنٹس میں تبصرے کر رہے ہیں اور ورات کوہلی کو ان کی سالگرہ کی مبارک باد اور نیک تمناؤں کا اظہار کر رہے ہیں۔
خیال رہے کہ ویرات کوہلی اور انوشکا شرما 2017ء میں شادی کے بندھن میں بندھے تھے۔