ویب ڈیسک: راولپنڈی اڈیالہ جیل میں بانی پی ٹی آئی عمران خان کے دانتوں کا معائنہ مکمل ہوگیا،بانی پی ٹی آئی کی ذاتی معالجہ ڈاکٹر ثمینہ نے جیل میں معائنہ کیا۔
تفصیلات کے مطابق وکیل خالد یوسف چوہدری کا کہنا ہے کہ بانی پی ٹی آئی عمران خان کے دانتوں کا معائنہ عدالتی احکامات کی روشنی میں کیا گیا،بانی پی ٹی آئی عمران خان نے صحت کے متعلق بات کرنے کا اختیار اپنی ہمشیرہ علیمہ خان کو دیا ہے،ذاتی معالجہ معائنے کی رپورٹ علیمہ خان کو پیش کریں گی، بانی پی ٹی آئی عمران خان کو جیل سے ہسپتال منتقل کرنے کا فیصلہ بھی علیمہ خان کریں گے۔
وکیل خالد یوسف چوہدری نے کہا کہ آج جیل سپرنٹنڈنٹ نے بڑی عزت کے ساتھ جیل میں جانے دیا،ذاتی ڈاکٹر بانی پی ٹی آئی عمران خان کے پاس گئی تھی جہاں سرکاری ڈاکٹرز بھی موجود تھے،ابھی ابتدائی چیک اپ ہوا ہے، تفصیلی موقف علیمہ خان دیں گی،مجموعی طور پر بانی پی ٹی آئی کی صحت ٹھیک ہے۔