کولکتہ کےایڈن گارڈنز اسٹیڈیم میں آگ لگ گئی، بھارتی میڈیا

بھارتی میڈیا کا کہنا ہے کہ کولکتہ کےایڈن گارڈنز اسٹیڈیم میں آگ لگ گئی ہے ۔ بھارتی میڈیا کے مطابق ورلڈکپ سے پہلے کولکتہ کے ایڈن گارڈنز اسٹیڈیم میں تعمیراتی کاموں کے دوران آگ لگ گئی، آگ کھلاڑیوں کے ڈریسنگ روم میں لگی۔ بھارتی میڈیا کا کہنا ہے کہ آگ لگنے سے کھلاڑیوں کی کٹس اور دیگر سامان جل کر راکھ ہو گیا، فائر برگیڈ نے کئی گھنٹوں کے بعد آگ پر قابو پایا ہے، ایڈن گارڈنز میں ورلڈکپ کا سیمی فائنل سمیت 5 میچز شیڈول ہیں۔ بھارتی میڈیا کے مطابق ایڈن گارڈنز میں پاکستان اور انگلینڈ کے درمیان میچ شیڈول ہے،چند دن پہلے آئی سی سی حکام نے ایڈن گارڈنز کا دورہ بھی کیا تھا۔