(ویب ڈیسک ) ورلڈ چیمپئن محمد آصف نے سارک اسنوکر چیمپئن شپ جیت لی۔صدر مملکت آصف علی زرداری اور وزیر اعظم شہباز شریف نے محمد آصف کو جیت پر مبارکباد دی ۔
کولمبو میں کھیلے گئے تیسرے سارک اسنوکر چیمپئن شپ 2025ء کے فائنل میں محمد آصف نے سری لنکا طلحہ عشرت کو شکست سے دوچار کیا۔ محمد آصف نے میچ بغیر کوئی فریم ڈراپ کیے جیت لیا۔
صدرآصف علی زرداری کی مبارکباد:
صدر مملکت آصف علی زرداری نے پاکستانی کھلاڑی محمد آصف کو تیسری سارک اسنوکر چیمپیئن شپ جیتنے پر مبارکباد دی۔
صدر آصف علی زرداری نے کہا کہ محمد آصف نے فائنل سمیت پوری چیمپیئن شپ میں بہترین کھیل پیش کیا، محمد آصف نے اسنوکر کے کھیل میں پاکستان کا نام روشن کیا، محمد آصف کی مستقبل میں بھی کامیابی کیلئے دعا گو ہوں۔
وزیر اعظم کی مبارکباد:
وزیراعظم شہباز شریف نے پاکستانی اسنوکر کھلاڑی محمد آصف کو تیسری سارک اسنوکر چیمپئن شپ جیتنے پر مبارکباد دی۔
انہوں نے کہا کہ محمد آصف نے اسنوکر کی ایک اہم چیمپئن شپ جیت کر ملک کا نام پوری دنیا میں روشن کیا ، پوری قوم کو آپ پر فخر ہے۔
وزیراعظم نے محمد آصف کے مستقبل کے لئے نیک خواہشات کا اظہار کیا۔