ویب ڈیسک:معروف اداکارہ ہانیہ عامر ان دنوں ہانیہ عامر کینیڈا میں وقت گزار رہی ہیں جہاں وہ مختلف ایونٹس میں شرکت کرتی، فینز سے ملتی اور انٹرویوز دیتی دکھ رہی ہیں، اداکارہ کی ایک اور ویڈیو منظر پر آئی جس میں انہوں نے بھارتی نژاد پنجابی ڈی جےکی پارٹی میں سرپرائز انٹری کی۔
تفصیلات کےمطابق ہانیہ عامر کےفینز دنیا کے تمام ممالک میں پائے جاتے ہیں، کوئی انکی اداکاری کا دیوانہ تو کوئی انکے حسن کا متوالا دکھائی دیتا ہے، ہانیہ عامر کی اداکاری تو کمال ہے ہی لیکن انکا سوشل میڈیا پر متحرک رہنا اور اپنی انٹرٹینمنٹ سے بھری ویڈیوز شیئر کرنا سب کی توجہ کا مرکز بنتا رہتا ہے اور یہی وجہ ہے کہ ان کے انسٹاگرام پر سب سے زیادہ فالوورز ہیں۔
پاکستانی اداکارہ ہانیہ عامر نے اپنا موج مستی موڈ آن رکھتے ہوئے لندن میں ایک بھارتی کی پارٹی میں پہنچ گئیں، وائرل ہونے والی ویڈیو بھارتی نژاد پنجابی ڈی جے نے شیئر کی ہے اور ساتھ ہانیہ عامر کی سرپرائز انٹری پر بے انتہا خوشی کا اظہار بھی کیا ہے۔
ڈی جے ووڈکا نے لکھا کہ ’جب میں ڈیکس پر پہنچا تو مجھے اندازہ ہورہا تھا کہ آج کی رات بہت خاص ہونے والی ہے لیکن مجھے یہ ہرگز نہیں پتا تھا کہ مجھے کبھی نہ بھولائے جانے والا سرپرائز مل جائے گا‘۔
انہوں نے لکھا کہ ’پاکستانی اداکارہ اور دنیا کی کرش ہانیہ عامر نے ہماری پارٹی کریش کی اور پارٹی میں ایک ایسا جوش لے آئیں کہ وائب ہی کچھ الگ ہوگئی اور خاص سماں بندھ گیا‘۔