(ویب ڈیسک ) نوح بٹ شاندار کارکردگی کا مظاہرہ کرتے ہوئے 120 کلوگرام کیٹیگری میں پاور لفٹنگ کے نئےکامن ویلتھ چیمپئن بن گئے ہیں۔
جنوبی افریقا میں جاری کامن ویلتھ پاور لفٹنگ چیمپئن شپ میں پاکستان کے ٹاپ لفٹر نے تین گولڈ اور ایک برانز میڈل جیتا۔
نوح بٹ نے 120 کلوگرام کی اوپن کیٹیگری میں گولڈ میڈل حاصل کرتے ہوئے بینچ پریس اور اسکواٹ میں بھی شاندار کارکردگی دکھائی۔
انہوں نے اسکواٹ کیٹیگری میں 370 کلوگرام کا وزن اٹھا کر گولڈ میڈل جیتا، جب کہ بینچ پریس میں انہوں نے 210 کلوگرام کا وزن اٹھا کر ایک اور گولڈ میڈل اپنے نام کیا۔
نوح بٹ نے ڈیڈ لفٹ کی کیٹیگری میں 280 کلوگرام وزن اٹھا کر برانز میڈل بھی اپنے نام کیا۔اس کے علاوہ اوپن کیٹیگری میں انہوں نے مجموعی طور پر 860 کلوگرام کا وزن اٹھا کر ٹائٹل اپنے نام کیا۔
نوح دستگیر بٹ کی مزید کامیابیوں کےلیے قوم سے دعاؤں کی درخواست ہے کہ وہ انشاءاللّٰہ چار گولڈ میڈلز کے ساتھ وطن واپس آئیں۔