بجلی کی قیمت میں 65 پیسے فی یونٹ اضافے کا امکان

اسلام آباد(پبلک نیوز) بجلی کی قیمت میں 65 پیسے فی یونٹ اضافے کا امکان ہے، سی پی پی اے نے ٹیرف میں اضافے کیلئے نیپرا کو درخواست دیدی۔

بجلی کی قیمت میں اضافہ فروری کے مہینے کیلئے کیا جائے گا۔ ٹیرف میں اضافہ ماہانہ فیول پرائس ایڈجسٹمنٹ کی مد میں کیا جائے گا۔ سی پی پی اے کے مطابق فروری میں 33 ارب 57 کروڑ روپے کی 6 ارب 99 کروڑ یونٹ بجلی پیدا ہوئی، فرنس آئل سے 92 کروڑ روپے کی بجلی پیدا کی گئی، فروری میں فرنس آئل سے 11 روپے 69 پیسے فی یونٹ مہنگی بجلی پیدا کی گئی۔

سی پی پی اے کے مطابق لائن لاسز کے 16 پیسے فی یونٹ بھی صارفین سے وصول کئے جاہیں، سی پی پی اے کی درخواست پر بجلی کی قیمت میں اضافے کی سماعت 30 مارچ کو ہو۔ گی۔

اس خبر پر اپنی رائے کا اظہار کریں

اپنا تبصرہ بھیجیں