واٹس ایپ نے ملٹی اکاؤنٹ سپورٹ کا فیچر متعارف کرادیا

لاہور: واٹس ایپ کی جانب سے ملٹی اکاؤنٹ سپورٹ کا فیچر متعارف کرادیا گیا ہے۔ واٹس ایپ دنیا کا مقبول ترین میسجنگ پلیٹ فارم ہے جس کے صارفین کی تعداد 2 ارب سے زیادہ ہے۔تاہم صارفین ایک ڈیوائس میں صرف ایک واٹس ایپ اکاؤنٹ استعمال کر سکتے ہیں ۔اگر ایک فون میں 2 واٹس ایپ اکاؤنٹ استعمال کرنے ہوں تو ایپلی کیشن کی دوسری کاپی بنانا پڑتی ہے جو کہ مشکل کا ہے۔لیکن اب واٹس ایپ کی یہ خامی بھی دور ہونے والی ہے۔ واٹس ایپ کی جانب سے ملٹی اکاؤنٹ سپورٹ کا فیچر متعارف کرا دیا گیا ہے۔ WABetaInfo کی رپورٹ میں کہا گیا ہے کہ ملٹی اکاؤنٹ سپورٹ کا فیچر اینڈرائیڈ ڈیوائسز کے لیے بیٹا (beta) ورژن میں متعارف کرایا گیا ہے جو ابھی چند صارفین کو دستیاب ہے۔اس نئے فیچر کے ذریعے صارفین ایک ہی فون میں کئی واٹس ایپ اکاؤنٹس پر لاگ ان ہو سکیں گے۔ نئے فیچر کو استعمال کرنے کیلئے آپ کو واٹس ایپ سیٹنگز مینیو میں جانا ہوگا اور اپنے نام کے آگے بنے ڈاؤن ایرو پر کلک کرنا ہوگا۔اس سے آپ مختلف اکاؤنٹ پر سوئچ یا نئے اکاؤنٹ ایڈ کر سکتے ہیں ۔ یہ فیچر ابھی بیٹا ورژن میں موجود ہے تو یہ کہنا مشکل ہے کہ یہ فیچر کب تک تمام صارفین کو دستیاب ہوسکے گا۔