ویب ڈیسک :امریکی نو منتخب صدر ڈونلڈ ٹرمپ نے منگل کے روز کمبرلی گلفائل کو یونان اور ٹام بیرک کو ترکی میں اگلے امریکی سفیر کے طور پر منتخب کر لیا۔ فاکس نیوز کی سابق میزبان گلفائل اب سیاسی فنڈ جمع کرنے والی خاتون ہیں جبکہ ٹام ہیرک ٹرمپ کی 2016 کی افتتاحی کمیٹی کے سربراہ تھے۔
گلفائل کی ٹرمپ کے بیٹے ڈونلڈ ٹرمپ جونیئر سے 31 دسمبر 2020 سے منگنی ہوئی ہے۔
ٹرمپ نے ٹروتھ سوشل پر ایک پوسٹ میں کہا، "کئی سالوں سے کمبرلی ایک قریبی دوست اور حلیف رہی ہیں۔ چونکہ انہوں نے دفاعی تعاون سے لے کر تجارت اور اقتصادی اختراع تک کے مسائل پر ہمارے مفادات کو آگے بڑھایا ہے تو وہ یونان کے ساتھ مضبوط دوطرفہ تعلقات کو فروغ دینے کے لیے بالکل موزوں ہیں۔"
گلفوئل پہلا انتخاب نہیں ہیں جن کے ٹرمپ سے خاندانی تعلقات ہیں۔
نومبر میں ٹرمپ نے اپنے داماد جیرڈ کشنر کے والد چارلس کشنر کو فرانس میں سفیر کے طور پر نامزد کرنے اور اپنی سب سے چھوٹی بیٹی ٹفنی ٹرمپ کے سسر مساد بولوس کا عرب اور شرقِ اوسط کے امور کے لیے ایک سینئر مشیر کے طور پر تقرر کرنے کے منصوبوں کا اعلان کیا تھا۔
ترکی میں سفیر کے لیے منتخب کردہ ٹام بیرک ریپبلکن پارٹی کے منتخب صدر کے دیرینہ دوست ہیں۔
ٹرمپ نے تقرری کا اعلان کرتے ہوئے اپنی پوسٹ میں ٹام کو "ایک قابلِ احترام اور تجربہ کار بااثر شخصیت" قرار دیا۔