ویب ڈیسک: پاکستان کرکٹ بورڈ ( پی سی بی) نے ایک بار پھر نئی قومی سلیکشن کمیٹی کا اعلان کردیا.
تفصیلات کے مطابق پی سی بی نے قومی ٹیم کی سلیکشن کمیٹی کی تشکیل نو کر دی،نئی سلیکشن کمیٹی میں سابق ٹیسٹ کرکٹر عاقب جاوید، اسد شفیق، اظہر علی کو شامل کیا گیا ہے۔
پی سی بی نے سابق ایمپائر علیم ڈار اور حسن چیمہ کو بھی سلیکشن کمیٹی میں شامل کرلیا ہے جبکہ کمیٹی میں شامل تمام اراکین کو ووٹنگ کا حق حاصل ہوگا۔
یاد رہے کہ قومی کرکٹ ٹیم کی ناقص کارکردگی اور محمد یوسف کے سلیکٹرز سے مستعفی ہونے کے بعد پی سی بی نے قومی سلیکشن کمیٹی میں تبدیلیوں کا فیصلہ کیا تھا۔