قومی کرکٹ ٹیم کے کپتان بابر اعظم نے جنوبی افریقا کے خلاف دوسرے ٹی ٹوئنٹی میچ میں ٹاس جیت کر پہلے بیٹنگ کا فیصلہ کیا ہے۔
جوہانسبرگ میں کھیلے جا رہے اس اہم مقابلے میں قومی ٹیم کے سکواڈ میں دو تبدیلیاں کی گئی ہیں۔ ٹیم میں اوپنر فخر زمان اور باولر حارث رؤف کی جگہ شرجیل خان اور محمد حسنین کو شامل کیا گیا ہے۔
یاد رہے کہ پاکستان نے جنوبی افریقا کو پہلے ٹی ٹوئنٹی میں دلچسپ مقابلے کے بعد 4 وکٹوں سے شکست دی تھی۔ جنوبی افریقی ٹیم نے پہلے بیٹنگ کرتے ہوئے مقررہ اوورز میں 6 وکٹوں کے نقصان پر 188 رنز بنائے تھے جس کے جواب میں پاکستانی ٹیم نے 189 رنز کا ہدف آخری اوور کی پانچویں گیند پر پورا کیا تھا۔