انتخابات فنڈز کی عدم فراہمی، حکم عدولی کے نتائج سب کو معلوم ہیں ،سپریم کورٹ

اسلام آباد: پنجاب میں انتخابات کے لئے فنڈز کی عدم فراہمی پر سپریم کورٹ نے سیکرٹری خزانہ ، گورنر اسٹیٹ بینک، اٹارنی جنرل اور سیکرٹری الیکشن کمیشن کو نوٹسز جاری کر دیئے ہیں ۔ تفصیلات کے مطابق عدالت عظمیٰ کی جانب سے جاری نوٹسز میں بتایا گیا ہے کہ الیکشن کمیشن کی رپورٹ کے مطابق وفاقی حکومت نے فنڈز فراہم نہیں کئے ہیں ، فنڈز کی عدم فراہمی عدالتی احکامات کی حکم عدولی ہے ، عدالتی حکم عدولی کے نتائج قانون میں واضح اور سب کو معلوم ہیں ، 14 اپریل کو چیف جسٹس نے تمام افسران کو طلب کر لیا ہے ۔ نوٹس میں مزید کہا گیا ہے کہ الیکشن کے لئے فنڈز کی فراہمی توہین عدالت کی کارروائی سے زیادہ اہم ہے ، بتایا جائے کہ سپریم کورٹ نے احکامات پر عمل کیوں نہیں کیا گیا ہے ؟ ، عدالت عظمیٰ نے گورنر اسٹیٹ بینک کو دستیاب وسائل سے متعلق تفصیلات ہمراہ لانے، سیکرٹری خزانہ کو بھی تمام ریکارڈ ساتھ لانے کی ہدایت جاری کر دی گئی ہے ۔