عمران خان نے چار سال سیاسی انتقام کیلئے احتساب کا ڈرامہ رچایا،عظمیٰ بخاری

پاکستان مسلم لیگ نون کی رہنما عظمیٰ بخاری نے کہا ہے کہ عمران خان نے گزشتہ چار سال کے دوران سیاسی انتقام کیلئے احتساب کا ڈرامہ رچایا۔ اتوار کے روز لاہور میں ذرائع ابلاغ کے ساتھ گفتگو کرتے ہوئے انہوں نے کہا کہ عمران خان نے اداروں پر دباؤ ڈالا تاکہ ان سے اپنی مرضی کے فیصلے حاصل کر سکیں۔ انہوں نے کہا کہ گزشتہ حکومت کے دور میں ذرائع ابلاغ کو سچ بولنے سے باز رکھنے کیلئے اس پر دباؤ ڈالا گیا۔انہوں نے کہا کہ عمران خان نے قومی خزانے کو بری طرح نقصان پہنچایا ہے۔