(ویب ڈیسک ) شمالی اسرائیل کے شہر نہریہ میں حزب اللہ کے راکٹ حملے میں 2 صہیونی ہلاک ہوگئے۔
اسرائیلی میڈیا کا کہنا ہے کہ شمالی اسرائیل پر حزب اللہ کی جانب سے 10 سے زیادہ راکٹ فائر کیے گئے جن میں سے کچھ فضا میں ہی تباہ کردیے گئے جبکہ کچھ مختلف مقامات پر گرے۔
حزب اللہ کے راکٹ نہریہ شہر میں ایک گودام پر بھی گرے جس کےنتیجے میں 2 اسرائیلی ہلاک ہوگئے۔
میڈیا رپورٹس کے مطابق اسی راکٹ حملے کے دوران ایک دوسرے مقام پر راکٹ گرنے سے 2 اسرائیلی زخمی بھی ہوئے۔
اسرائیلی میڈیا کے مطابق حزب اللہ نے شمالی اسرائیل کے ساتھ ساتھ تل ابیب کو راکٹ حملے کا نشانہ بنایا۔