’’میرے خاندان پر الزام تراشی کی جا رہی ہے ‘‘

اسلام آباد ( ویب ڈیسک ) پاکستان تحریک انصاف کے رہنما جہانگیر ترین پر گزشتہ کئی ماہ سے شوگر چینی سکینڈل میں سنگین الزامات لگ رہے ہیں لیکن انہوں نے صرف الزامات کا جواب دیا لیکن آج شاید اس کے صبر کا بان ٹوٹ گیا ٗ جہانگیر ترین کاکہنا ہے کہ انہیں شدید دکھ ہے کہ ان کے خاندان کیلئے غیر قانونی عمل ثابت نہ ہونے کے باوجود الزام تراشی کی جا رہی ہے۔

سوشل میڈیا پر ایک ٹویٹ میں جہانگیر ترین نے پوسٹ کیا گیا ’’ایف آئی اے کی جانب سے مجھ پر عائد کئے گئے الزامات جھوٹ کا پلندہ ہیں۔میں پہلے ہی ایف آئی اے کی جانب سے جاری کئے گئے نوٹس کا بمع ٹھوس شواہد تفصیلی جواب جمع کرا چکا ہوں – مجھے دکھ ہے کہ میرے اور میرے خاندان کے خلاف کوئی غیر قانونی عمل ثابت نہ ہونے کے باوجود بہتان تراشی کی جا رہی ہے ‘‘۔

اس سے قبل جہانگیر ترین نے ایک نجی ٹی وی سے گفتگو کرتے ہوئے کہا کہ ان پر لگائے جانے والے الزام بے بنیاد ہیں ٗ نجی آڈٹ فرم ان کی کمپنیوں کے اکائونٹس کو پہلے ہی درست قرار دےچکی ہے ٗ میں نے تمام شیئرز اور کھاتے قانون کے مطابق منتقل کئے ہیں۔

اپنا تبصرہ بھیجیں