میتھی کے بیج صبح خالی پیٹ کھائیں، بیماریاں دور بھگائیں

لاہور: (ویب ڈیسک) میتھی کے بیجوں میں کافی مقدار میں حل نہ ہونے والے ریشے ہوتے ہیں۔ اس سے ہاضمہ بہتر ہوتا ہے اور جسم میں جمع ہونے والے زہریلے مادوں کو باہر نکالنے میں مدد ملتی ہے۔ آپ کے باورچی خانے میں ایسی بہت سی چیزیں موجود ہیں جن میں موجود دواؤں کی خصوصیات آپ کو بیماریوں سے بچاتی ہیں۔ میتھی کے بیج بھی اسی طرح کے خواص سے بھرپور ہیں۔ میتھی کے بیجوں کا باقاعدہ استعمال کئی بیماریوں کا خطرہ کم کرتا ہے۔ یہ وزن کم کرنے میں بھی مدد کرتا ہے۔ غذائیت سے بھرپور میتھی کے بیج فائبر، وٹامن اے اور وٹامن ڈی سے بھرپور ہوتے ہیں۔ جانئے کن طریقوں سے میتھی کے بیجوں کا استعمال آپ کو سب سے زیادہ فائدہ دے گا۔ میتھی کے بیجوں میں حل نہ ہونے والے فائبر کی کافی مقدار ہوتی ہے۔ اس سے ہاضمہ بہتر ہوتا ہے اور جسم میں جمع ہونے والے زہریلے مادوں کو باہر نکالنے میں مدد ملتی ہے۔ میتھی کے بیجوں کے استعمال سے بلڈ شوگر لیول کو بھی کنٹرول کیا جا سکتا ہے۔ میتھی کے بیج اور شہد کا استعمال بھی آپ کو فائدہ دے گا۔ اس سے وزن کم کرنے میں مدد ملتی ہے۔ شہد کو قوت مدافعت بڑھانے والا سمجھا جاتا ہے۔ یہ جسم کی سوزش کو بھی دور کرتا ہے۔ اس میں کیلوریز کم ہوتی ہیں، جو وزن کو کنٹرول کرنے میں مددگار ثابت ہوتی ہیں۔ میتھی کے بیجوں کو پیس کر پیسٹ بنائیں اور اس میں ایک چمچ شہد ملا کر کھائیں۔ وزن کم کرنے کے لیے میتھی کے بیجوں کا پانی بھی صبح خالی پیٹ پیا جا سکتا ہے۔ ایک چمچ میتھی کے دانے رات بھر پانی میں بھگو دیں۔ صبح اس پانی کو بیجوں کے ساتھ ابالیں اور پھر چھان کر خالی پیٹ پی لیں۔ میتھی کے بیج کھانے سے آپ کو بہت سے فوائد حاصل ہوں گے۔ ایک تحقیق کے مطابق میتھی کے بیجوں میں غذائی اجزا کی مقدار بڑھ جاتی ہے۔ یہ آسانی سے ہضم ہو جاتا ہے۔ میتھی کے بیجوں میں اینٹی آکسیڈنٹس ہوتے ہیں جو صحت کے لیے فائدہ مند تصور کیے جاتے ہیں۔ اسے ہر صبح خالی پیٹ استعمال کریں۔