(ویب ڈیسک ) سموگ سے ستائے عوام کے لیے اچھی خبر آگئی, پنجاب کے بیشتر اضلاع میں کل شام سے ہلکی بارشوں کی پیشگوئی ہے۔ محکمہ موسمیات کے مطابق 14 سے 16 نومبر تک پنجاب میں بارشوں کا امکان ہے۔ جس سے ممکنہ بارشوں سے سموگ میں کمی کے امکانات ہیں۔
ترجمان پی ڈی ایم اے کا کہنا ہے کہ محکمہ موسمیات کی کل شام سے پنجاب کے بیشتر اضلاع میں ہلکی بارشوں کی پیشگوئی ہے۔ محکمہ موسمیات کے مطابق 14 سے 16 نومبر تک پنجاب میں بارشوں کا امکان ہے۔
ترجمان پی ڈی ایم اے نے بتایا کہ راولپنڈی، مری، اٹک، چکوال، تلہ گنگ، جہلم، فیصل آباد، گجرانوالہ، لاہور، میانوالی، خوشاب، اور سرگودھا میں بارشوں کی پیشگوئی کی گئی ہے۔ 15 نومبر کو بھکر، لیہ اور ڈیرہ غازی خان میں بھی گرج چمک کے ساتھ بارش کا امکان ہے۔
ڈی جی پی ڈی ایم اے عرفان علی کاٹھیا کا کہنا ہے کہ ممکنہ بارشوں سے سموگ میں کمی کے امکانات ہیں۔ سموگ سے بچاؤ کیلئے ماسک کا استعمال کریں اور غیر ضروری باہر نہ نکلیں ۔ پی ڈی ایم اے کنٹرول روم میں صورتحال کی مانیٹرنگ 24/7 جاری ہے۔ شہری خراب موسم کی صورتحال میں غیر ضروری سفر سے گریز کریں ۔