ویب ڈیسک: (محمدساجد)دنیا بھر میں کروڑوں فلمی شائقین ایسے بھی ہیں جو صرف ہارر یعنی ڈراؤنی فلمیں دیکھنا پسند کرتے ہیں، یہی وجہ ہے کہ ہر سال ایسی متعدد فلموں کو ریلیز کیا جاتا ہے، ایسا ہی خوفناک روپ دھارے ایک خاتون رات کی تاریکی میں لوگوں کو ڈرانے کے لئے سڑک پر نکلی آئی، سوشل میڈیا پر ویڈیو بھی کافی وائرل ہورہی ہے۔
تفصیلات کے مطابق سوشل میڈیا پر وائرل ہونے والی یہ ویڈیو دہلی میں مقیم ایک خاتون کی ہے جس نے بھوت کا روپ دھارا ہوا ہے، ہالووین گزر گیا لیکن اُس کا بخار ابھی تک ہے، بھوت کا روپ دھارے خاتون نے سفید رنگ کا لباس پہنا ہوا ہے جس پر نقلی خون کے چھینٹے لگائے ہوئے ہیں، خاتون نے اپنے بالوں کو کھلا چھوڑا ہوا ہے اور وہ دہلی کی سڑکوں پر لوگوں کو ڈرا رہی ہے، اس نے اپنی 'خوفناک' شکل کو مکمل کرنے کے لیے خوفناک کانٹیکٹ لینز پہنے۔
وائرل ویڈیو میں دیکھا جاسکتا ہے کہ وہ ایک پارک گئی جہاں بچے اُس کو دیکھ کر بھاگ گئے، اُس کے بعد جیولرکی دوکان کے باہر کھڑی ہوئی ، دوکان کے اندر موجود گاہک اس کو دیکھ کر خوف زدہ ہوگئے، بعدازاں سڑک پر چلتے راہگیروں نے خاتون بھوت کی تصاویر اور ویڈیو بھی اپنے موبائل فون میں بنائی۔
ایک بازار میں جاتے ہوئے خاتون بھوت خود کتے سے ڈر گئی اور واپس پلٹ کر وہاں موجود سکیورٹی گارڈ سے کہا ’ بھائی مجھے کتا پڑ جائے گا‘۔
ویڈیو کے وائرل ہوتے ہیں سوشل میڈیا صارفین کی جانب سے ملے جلے درعمل کا اظہار کیا جارہا ہے کچھ صارفین نے خاتون کے اس روپ پر تنقید کی اور کمنٹ سیکشن میں غصے کا اظہار کیا۔