(ویب ڈیسک ) کراچی سمیت سندھ بھر کے 18 اضلاع میں کل ضمنی بلدیاتی الیکشن ہوں گے، کراچی کے علاوہ سندھ کے دیگر 12 اضلاع میں ووٹ ڈالے جائیں گے۔
تفصیلات کے مطابق ضلع جنوبی یوسی 13 کہکشاں کلفٹن صدر ٹاؤن میں چھٹی کا اعلان کردیا گیا ۔ ڈپٹی کمشنر جنوبی نے چھٹی کا نوٹیفکیشن جاری کردیا۔
ڈپٹی کمشنر الطاف ساریو کا کہنا ہے کہ ووٹرز کی سہولت کے لیے چھٹی کا اعلان کیا ہے۔ زیادہ سے زیادہ ووٹرز اپنا حق رائے دہی استعمال کریں۔
ضلع جنوبی کے بعد ضلع کورنگی میں چھٹی کا اعلان کردیا گیا ہے۔ ڈپٹی کمشنر کورنگی نے چھٹی کا نوٹیفکیشن جاری کردیا ہے۔ضلع کورنگی میں تین نشستوں پر انتخابات ہونگے۔
ڈپٹی کمشنر مسعود بھٹو کا کہنا ہے کہ ووٹرز کی سہولت کیلئے چھٹی کا اعلان کیا ہے، زیادہ سے زیادہ ووٹرز اپنا حق رائے دہی استعمال کریں۔