سروائیکل کا درد دور کرنے کیلئے ورزشیں

گردن، کندھے اور کمر میں درد اور اکڑن کا مسئلہ عام ہے، اسے سروائیکل درد کہتے ہیں۔ یہ درد بہت شدید ہوتا ہے۔ سروائیکل درد ہماری گردن میں موجود ریڑھ کی ہڈی کے مسئلے کی وجہ سے ہوتا ہے۔ یہ بہت زیادہ تھکاوٹ، غلط پوزیشن میں سونے یا بیٹھنے کی وجہ سے بھی ہو سکتا ہے۔ ریڑھ کی ہڈی میں کوئی مسئلہ ہو تو دوائیوں سے بھی جلد آرام نہیں ملتا لیکن کچھ ورزشیں ایسی ہیں جو اس درد میں فوری آرام دیتی ہیں۔ ساتھ ہی انہیں روزانہ کرنے سے درد سے ہمیشہ کے لیے نجات مل سکتی ہے۔ سروائیکل درد کے لیے ورزش جسم کی غلط پوزیشن کی وجہ سے مسلز میں مسائل پیدا ہو سکتے ہیں اور درد کا مسئلہ شروع ہو جاتا ہے۔ آج ہم آپ کو ایسی ورزشوں کے بارے میں بتائیں گے، جنہیں روزانہ کرنے سے سروائیکل کا درد دور ہو جائے گا۔ ورزش نمبر 1 گردن کو ڈھیلا کریں اور آہستہ آہستہ بائیں جانب جھکیں اور 5 سیکنڈ تک اس پوزیشن میں رہیں۔ اب گردن کو درمیان میں لائیں اور پھر اسے دائیں جانب جھکائیں۔ کچھ دیر رکنے کے بعد دوبارہ ورزش کو دہرائیں، یہ ورزش کم از کم 5 بار کریں۔ ورزش نمبر 2 کھڑے ہو کر گردن کو نیچے کی طرف موڑیں، یہاں تک کہ گردن میں تناؤ پیدا ہو جائے۔ اسے کچھ دیر تک کھینچنے دیں اور اسی پوزیشن پر رہیں۔ اس کے بعد گردن کو واپس اوپر لائیں اور آرام دہ پوزیشن میں کھڑے ہوں۔ یہ مشق تقریباً 10 بار کریں۔ اس ورزش سے گردن اور کمر کے درد میں کافی آرام ملتا ہے۔ ورزش نمبر 3 کندھوں کو ڈھیلا کرکے باقی جسم کو سیدھا رکھیں۔ اب کندھوں کو آگے لائیں اور مکمل گول بنائیں۔ اس مشق کو 5 بار کرنے کے بعد کندھوں کو اس کی مخالف سمت میں 5 بار گھمائیں۔ یہ مشق 8-10 بار کریں۔ ورزش نمبر 4 کرسی پر سیدھے بیٹھیں اور دائیں ہاتھ کو جسم کے بائیں جانب لے جائیں۔ اس کے بعد ہاتھ کو بائیں جانب کھینچیں تاکہ کندھے میں کھنچاؤ پیدا ہو۔ 5 سیکنڈ تک ایسا کرنے کے بعد یہ ورزش دوسری طرف کریں۔ اس ورزش کو 5-6 بار کرنے سے کندھے کے درد سے نجات مل جاتی ہے۔ یہ ورزش آپ گھٹنوں کے بل بیٹھ کر بھی کر سکتے ہیں۔ ورزش نمبر 5 ہاتھوں کو سر سے اوپر اٹھا کر جسم کو دائیں طرف جھکائیں، پھر بائیں جانب جھکائیں، یہ ورزش دونوں طرف 8-10 بار کریں، اس طرح کمر سے کمر تک درد میں آرام آتا ہے۔