اسپیکر قومی اسمبلی راجہ پرویز اشرف کی گاڑی کو حادثہ

اسپیکر قومی اسمبلی اور پاکستان پیپلزپارٹی کے رہنما راجہ پرویز اشرف کی گاڑی کو حادثہ پیش آیا ہے۔ قومی اسمبلی کے آفیشل ٹوئٹر اکاونٹ پر جاری بیان میں کہا گیا ہے کہ اسپیکر قومی اسمبلی راجہ پرویز اشرف کی گاڑی کو حادثہ پیش آیا، حادثہ مندرہ چکوال روڈ پر اسلام آباد واپسی پر پیش آیا ۔ بیان میں کہا گیا ہے کہ اسپیکر کی گاڑی کے سامنے اچانک گائے آگئی تھی، گائے کو بچاتے ہوئے اسپیکر کی گاڑی اور اسکواڈ کی گاڑیاں آپس میں ٹکرا گئیں تاہم اللہ تعالی کے فضل و کرم سے اسپیکر راجہ پرویز اشرف اور عملہ حادثہ میں محفوظ رہے ہیں۔