(ویب ڈیسک ) فلم پشپا 2 کا دنیا بھر میں باکس آفس پر کامیابیوں کا سفر جاری ہے، فلم اب تک 1300 کروڑ روپے کا بزنس کرچکی ہے۔
اداکار الو ارجن کی فلم پشپا 2 نے کناڈا فلموں کے اداکار نوین کمار گوڑا المعروف یش کی 2022 کی بلاک بسٹر فلم ’ کے جی ایف چیپٹر ٹو‘ کو پیچھے چھوڑ دیا ہے، جس کی مجموعی آمدنی 1215 کروڑ کے قریب تھی۔
خیال رہے کہ پشپا 2 بالی ووڈ سپر اسٹار شاہ رخ خان کی فلم جوان کو بھی پیچھے چھوڑ چکی ہے۔حالانکہ پشپا 2 کو ابھی ریلیز ہوئے صرف 11 دن ہوئے ہیں۔
یہ بات بھی یاد رہے کہ الو ارجن فلم کی پریمیئر کے دوران بھگدڑ مچنے سے ایک خاتون کے کچل کر ہلاک ہونے کی وجہ سے بننے والے کیس میں گرفتار ہوئے لیکن عدالت نے انھیں ضمانت پر رہا کر دیا۔
اس صورتحال کی وجہ سے وہ لوگوں کی توجہ کا مرکز بنے رہے، لیکن اس سب کے باوجود فلم پشپا ٹو نے گلوبل باکس آفس پر اپنا غلبہ قائم رکھا ہوا ہے۔
یاد رہے کہ ہدایتکار سوکومار کی یہ بلاک بسٹر فلم 5 دسمبر کو تھیٹر پر ریلیز ہوئی تھی۔