ویب ڈیسک:عام شہری کی طرح زندگی گزارنے والے رجب بٹ آج ایک سپرسٹار، اور معروف یوٹیوبر بن چکے ہیں، گزشتہ دنوں شادی کے بندھن بندھے، مگر بدقسمتی سے شادی کے دوسرے دن انہیں پولیس نے گرفتار کرلیا، کچھ گھنٹے جیل میں گزارنے کے بعد انہیں شخصی ضمانت پر رہا کردیا گیا۔
رجب بٹ نے پہلے پہل تو دیگر یوٹیوبرز کی طرح فیملی وی لاگنگ شروع کی جس میں وہ اپنی فیملی کو بھی دکھاتے تھے،انکا کانٹینٹ کچھ اسطرح کا تھا جس میں کبھی انہیں مار کھاتے دیکھا گیا تو کبھی اپنی بہن کو تنگ کرتے ہوئے لوگوں کی توجہ کا مرکز بنے، لیکن پھر قسمت کی دیوی جس پر مہربان ہوجائے تو اسکے وارےنیارے ہوجاتے ہیں۔
ایسا ہی کچھ رجب بٹ کے ساتھ بھی ہوا، یہ فیملی ویلاگنگ کا یہ آغاز دیکھتے ہی دیکھتے مداحوں میں اتنا مقبول ہوا کہ آج رجب بٹ کو پاکستان کا ہر بچہ بچہ جانتا ہے یہی وجہ تھی کہ انکے ویلاکنگ ویوز میں دن بہ دن اضافہ ہوتا چلا گیا۔
رجب بٹ کو آج تک صارفین صرف ویلاگنگ تک ہی جانتے تھے لیکن کیا کوئی یہ جانتا ہے کہ رجب بٹ وی لاگنگ کی دنیا میں تو اپنا ایک نام بنا ہی چکے ہیں لیکن وہ اسکرین پر بھی اپنے جلوے بکھیر چکے ہیں؟
جی ہاں اس بات کا انکشاف خود انہوں نے ایک پوڈکاسٹ میں کیا، رجب بٹ نے چند ہفتوں قبل اداکار احمد علی بٹ کے پوڈکاسٹ میں شرکت کی جہاں انہوں نے کئی اہم پہلو پر بات کرتے ہوئے ان راز کو بھی فاش کردیا۔
اسی دوران انہوں نے اپنی اداکاری کی مہارت کا انکشاف کرتے ہوئے یہ بھی بتایا کہ وہ اداکاری کی دنیا میں بھی اپنی صلاحیتوں کا لوہا منواچکے ہیں جبکہ وہ ایک ماڈل کے طور پر بھی جانے جاتے ہیں۔
رجب بٹ کے مطابق انہوں نے تقریباً 10 سال قبل اداکارہ کنزہ ہاشمی کیساتھ ایک ڈراما کیا تھا جس میں انکا لیڈ رول کافی پسند کیا گیا،اس انکشاف کے بعد اگر ماضی کے اس پراجیکٹ پر نظر ڈالی جائے تو رجب بٹ اور کنزہ ہاشمی کا یہ ڈراما ’رانی’ تھا جو 2008 میں جیو انٹرٹینمنٹ پر نشر کیا گیا تھا،اگرچہ کہ اداکاری کا یہ تجربہ رجب بٹ کیلئے پہلا تھا لیکن انکی وجۂ شہرت نہ بن سکا اور یوٹیوب وی لاگنگ نے انہیں شہرت بخشی۔