مغربی ہوائیں چلنے کے باعث ملک بھر میں آج سے بارشوں کا امکان

لاہور: مغربی ہوائیں چلنے کی وجہ سے آج سے ملک بھر میں بارش کا امکان ہے ۔ محکمہ موسمیات کے مطابق مغربی ہواؤں کے باعث آج سے 20 مارچ کے دوران پنجاب، پختونخوا، اسلام آباد، کشمیر ،خیبر بلوچستان اور گلگت بلتستان میں بارش کا امکان ہے ۔ کراچی سمیت سندھ کے مختلف شہروں میں بھی جمعہ سے ہی گرد آلود ہوائیں چلنے اور گرج چمک کے ساتھ بارش کی پیش گوئی کی گئی ہے ۔ محکمہ موسمیات کا کہنا ہے کہ گرد آلود ہواؤں، آندھی اور گرج چمک کے ساتھ بارشوں اور ژالہ باری سے پیدا ہونے والی ممکنہ موسمی صورتحال کے اثرات کے پیش نظر ہی سیاحوں کو محتاط اور متعلقہ اداروں کو الرٹ رہنے کا مشورہ دیا گیا ہے ۔ محکمہ موسمیات نے بارشوں کے باعث کھڑی فصلوں کو بھی نقصان پہنچنے اور پہاڑی علاقوں میں لینڈ سلائیڈنگ کا خدشہ بھی ظاہر کیا ہے ۔