ویب ڈیسک:(محمدساجد) پاکستان اور آسٹریلیا کی کرکٹ ٹیموں کے درمیان آج ٹی 20 سیریز کا دوسرا میچ کھیلا گیا، آسٹریلیا کے 148 رنز کے تعاقب میں پاکستان ٹیم 19.4اوورز میں 134 رنز بنا کر آؤٹ ہوگئی، میچ کے دوران ایک ایسا منظر دیکھنے کو ملا جس کی ویڈیو سوشل میڈیا کے مختلف پلیٹ فارمز پر گردش کررہی ہے۔
تفصیلات کےمطابق وائرل ہونی والی ویڈیو میں دیکھا جاسکتا ہے کہ پاکستان اور آسٹریلیا کا میچ جاری ہے، کرکٹ شائقین میچ سے لطف اندوز ہورہے ہیں، ایک نوجوان اپنی نششت سے اٹھ کر پاکستان کے سابق وزیراعظم عمران خان کے حق میں بلند آواز میں نعرے لگانے لگا، جس پر دیگر نوجوان بھی اُس کے ساتھ شامل ہوگئے اور بانی پی ٹی آئی کو سپورٹ کرتے نعرے لگا، ویڈیو میں کرکٹ شائقین کر کہتے سنا جاسکتا ہے کہ ’ کون بچائے گا پاکستان‘ جواب میں دیگر نوجوانوں نے کہا ’ عمران خان‘ عمران خان‘۔ ویڈیو میں ساتھی خواتین کو بھی بیٹھے دیکھا جاسکتا ہے، سوشل میڈیا پر اس منظر کی ویڈیو بھی کافی گردش کررہی ہے۔