ویب ڈیسک: نئی گاڑی خریدنے کے خواہشمند افراد کیلئے بڑی خبر آگئی ، اب گاڑی نئی ہو یا پرانی یہ کام لازمی قرار دے دیا گیا۔
تفصیلات کے مطابق محکمہ ایکسائز سندھ نے گاڑیوں کی رجسٹریشن اور ٹرانسفر کے لئے بائیو میٹرک تصدیق لازمی قرار دے دی ، صوبائی وزیر شرجیل انعام میمن نے کہا کہ نئی اورپرانی گاڑیوں کی رجسٹریشن ، ٹرانسفر میں بائیومیٹرک تصدیق ہوگی۔
سینئر وزیر کا کہنا تھا کہ نئی پالیسی کے تحت تبدیلی 3مرحلوں میں نافذ کی جائےگی، یکم جولائی سےپہلے مرحلے میں نئی گاڑی کی رجسٹریشن کیلئے بائیومیٹرک لازمی ہوگی اور دوسرے مرحلےمیں یکم نومبر سے گاڑیاں خریدنے والوں کی بائیومیٹرک تصدیق ہوگی۔
انھوں نے بتایا کہ تیسرے مرحلے میں گاڑی فروخت کنندہ اورخریدکنندہ کی بائیومیٹرک تصدیق ہوگی محکمہ ایکسائزمیں مزیدشفافیت کیلئےکام کررہےہیں،یہ صرف شروعات ہے،شرجیل انعام میمن
بائیو میٹرک تصدیق شفافیت کوفروغ دینے میں اہم سنگ میل ہے، گاڑیوں کی غیرقانونی منتقلی اور دھوکا دہی سے بچانے میں مدد ملےگی، بائیومیٹرک تصدیق کیلئے نادرا ای سہولت مراکز یا ڈسٹرکٹ ایکسائز آفس جاسکتے ہیں۔