برطانیہ میں سردی کی لہربرقرار،محکمہ موسمیات کی"ییلو وارننگ"

برطانیہ میں سردی کی شدید لہر برقرار رہنے کے باعث محکمہ موسمیات نے ییلو وارننگ جاری کردی ہے ۔ برطانوی میڈیا کا کہنا ہے کہ اسکاٹ لینڈ اور دیگر علاقوں میں شدید برف باری کی پیش گوئی کی گئی ہے کہ جس سے ویک اینڈ پر فلائٹ آپریشن اور ٹرانسپورٹ سسٹم متاثرہونے کا خدشہ بھی ہے۔ دوسری جانب تنخواہ کے تنازع پر برطانیہ میں ہڑتالوں کا سلسلہ بھی جاری ہے، 40 ہزار سے زائد ورکرز کی 48 گھنٹے کی ہڑتال کے سبب ریل کا پہیہ بھی جام رہا ہے۔ ہڑتال کے باعث مسافروں کو مشکلات کا سامنا رہا ہے ، مغربی اور جنوبی لندن میں بھی بس ڈرائیورز نے 48 گھنٹوں کی ہڑتال شروع کردی ہے۔