ٹک ٹاک نے ' animated ویڈیو اسٹیکرز' کا فیچر متعارف کرادیا

لاہور: معروف ویڈیو شیئرنگ ایپ ٹک ٹاک میں خاموشی سے ایک دلچسپ فیچر کا اضافہ کیا گیا ہے۔ سوشل میڈیا ایپ میں ڈائریکٹ میسجز کے لیے animated ویڈیو اسٹیکرز کا فیچر فروری میں متعارف کرایا گیا تاہم کمپنی کی جانب سے اب سے کی تصدیق کی گئی ہے۔ یہ ویڈیو اسٹیکرز GIF تصاویر کی طرح کام کرتے ہیں ، صارفین ان کو خود بھی تیار کر کے دوستوں کے سینڈ کر سکتے ہیں ۔ اس حوالے سے کمپنی نے بتایا ہے کہ صارفین خود انہیں تیار کر سکتے ہیں اور اس کے علاوہ دیگر افراد کی جانب سے اپ لوڈ کیے گئے ویڈیو اسٹیکرز کو بھی استعمال کیا جا سکتا ہے۔

اپنا اسٹیکر تیار کرنے کا طریقہ: اگر آپ خود کا ویڈیو اسٹیکر تیار کرنا چاہتے ہیں تو کسی ڈائریکٹ میسج ونڈو میں create اسٹیکر کے آپشن پر کلک کریں ،پھر آپ ٹاک ٹاک میں لائیکڈ ،پوسٹڈ اور فیورٹ ویڈیو میں سے کسی ویڈیو کو سلیکٹ کریں۔ویڈیو کے انتخاب کے بعد آپ نے فیصلہ کرنا ہے کہ اس کا کتنا حصہ اسٹیکر میں استعمال کرنا ہے، جبکہ ٹیکسٹ کو بھی ایڈ کر سکتے ہیں۔ صارفین اس اسٹیکر کو بار بار ڈائریکٹ میسجز میں استعمال کر سکتے ہیں ، آپ اسے ٹک ٹاک کے اسٹیکر اسٹور کا حصہ بھی بنا سکتے ہیں تاکہ دیگر افراد بھی اسے استعمال کر سکیں۔ اس کے علاوہ اگر آپ اپنا اسٹیکر نہیں بناتا چاہتے تو انہیں سرچ کرکے بھی استعمال کر سکتے ہیں۔