انار کے چھلکے بیماریوں کا موثر علاج

لاہور: (ویب ڈیسک) انار کھانا صحت کے لیے فائدہ مند سمجھا جاتا ہے لیکن اس کا چھلکا بھی کم فائدہ مند نہیں ہے۔ انار کا چھلکا صحت کے بہت سے مسائل کا موثر علاج ہے۔ جانیے اس کے استعمال کے فوائد کیا ہیں۔ جلد کی حفاظت کے لیے انار کے چھلکے جلد کو نقصان دہ UVA شعاعوں سے بچاتے ہیں۔ اس سے جلد کے کینسر کا خطرہ کم ہو جاتا ہے۔ اس کے چھلکے کا استعمال سنٹین کو بھی دور کرتا ہے۔ اس کے لیے انار کے چھلکے دھوپ میں رکھ کر خشک کر لیں اور پاؤڈر بنا لیں۔ اس پاؤڈر کو اپنے لوشن یا کریم کے ساتھ ملائیں اور گھر سے نکلنے سے 20 منٹ پہلے لگائیں۔ انار کے چھلکے آپ کی جلد میں کولیجن کو ختم ہونے سے روکتے ہیں اور خلیوں کی نشوونما کو فروغ دیتے ہیں۔ یہ عمر بڑھنے اور جھریوں کی علامات کو کم کرتے ہیں۔ دو چمچ انار کے چھلکوں کا پاؤڈر لیں اور اس میں تھوڑا سا دودھ ملا لیں۔ اگر آپ کی جلد روغنی ہے تو دودھ کی بجائے عرق گلاب کو پاؤڈر میں ملا کر پیسٹ بنائیں۔ اس پیسٹ کو اپنے چہرے پر لگائیں اور خشک ہونے کے بعد چہرے کو نیم گرم پانی سے دھو لیں۔ اس کے چھلکوں کا استعمال قدرتی موئسچرائزر کی طرح کام کرتا ہے۔ منہ کی بدبو اور مسوڑھوں کی سوزش انار کے چھلکے سانس کی بو، مسوڑھوں کی سوزش اور منہ کے چھالوں کو دور کرنے کا ایک مؤثر طریقہ ہیں۔ ایک گلاس پانی میں انار کے چھلکے کا پاؤڈر ملائیں اور اس مکسچر سے گارگل کریں۔ اس سے فائدہ ہوگا۔ دل کی صحت کے لیے انار کے چھلکے طاقتور اینٹی آکسیڈنٹس سے بھرپور ہوتے ہیں۔ یہ آپ کو دل کی بیماریوں سے بچاتے ہیں۔ انار کے چھلکے کھانے سے کولیسٹرول کی سطح اور تناؤ کو کم کیا جا سکتا ہے۔ یہ آکسیڈیٹیو تناؤ اور بلڈ پریشر دونوں کو کنٹرول کرنے میں مدد کرتے ہیں۔ ایک گلاس نیم گرم پانی میں ایک چائے کا چمچ انار کے چھلکے کا پاؤڈر ملا کر پی لیں۔ بالوں کے لیے انار کے چھلکے کا پاؤڈر بالوں کو گرنے سے روکتے اور خشکی کا مسئلہ ختم کرتے ہیں۔ انار کے چھلکے کا پاؤڈر تیل میں ملا کر بالوں کی جڑوں میں لگا کر مساج کریں۔ کچھ دیر بعد ہلکے شیمپو سے بال دھو لیں۔