الیکشن کمیشن کا صدر پاکستان کے خط میں لکھے الفاظ پر شدید تحفظات کا اظہار

الیکشن کمیشن نے صدر ڈاکٹر عارف علوی کے خط میں لکھے الفاظ پر شدید تحفظات کا اظہار کر دیا ہے ۔ تفصیلات کے مطابق الیکشن کمیشن کا صدر عارف علوی کے خط کے جواب میں کہنا ہے کہ الیکشن کمیشن کے بارے میں بے حسی کے الفاظ لکھنا مناسب نہیں ہیں ، صدر پاکستان کی جانب سے ایسے الفاظ پر افسوس اور مایوسی ہوئی ہے ۔ خط کے جواب میں یہ کہا گیا ہے کہ الیکشن کمیشن ایک آزاد اور خودمختار ادارہ ہے جو آئین اور قانون پر عمل کرتا ہے ۔ جواب میں کہا گیا کہ الیکشن کمیشن عدلیہ کے فیصلوں کا احترام اور من و عن عمل کرتا ہے ۔ ادارے نے صدر مملکت کی طرف سے طلب کردہ اجلاس میں شرکت کا فیصلہ کیا ہے ، جس میں الیکشن کمیشن ارکان اور اعلیٰ حکام ایوان صدر میں ہونے والے اجلاس میں شریک ہو گے ۔ خیال رہے کہ ایوان صدر میں اجلاس پیر کے روز دن 11 بجے طلب کیا گیا ہے ۔