نئی ون ڈے رینکنگ جاری ، بابر اعظم کی پہلی پوزیشن برقرار

لاہور نئی ون ڈے رینکنگ میں بابر اعظم کی پہلی پوزیشن برقرار ہے ۔ تفصیلات کے مطابق پاکستانی کپتان بابر اعظم 887 ریٹنگ پوائنٹس کے ساتھ سرفہرست ہیں جبکہ جنوبی افریقہ کے راسی وین ڈیر ڈوسن (766) اور کوئنٹن ڈی کاک (759) بالترتیب دوسرے نمبر پر اور تیسرے نمبر پر ہیں کوہلی کے ساتھی کھلاڑی ، محمد سراج ، شبمن گل اور کلدیپ یادیو بھی سری لنکا کے خلاف اچھی کارکردگی کے بعد اپنی رینکنگ میں بہتری لائے ہیں۔ شبمان گل نے سیریز کے دوران ایک ففٹی اور ایک سنچری اور 69 کی اوسط سے ان کے 207 رنز نے اوپنر کو ون ڈے بلے بازوں کی درجہ بندی میں 10 درجے بہتری کے ساتھ مجموعی طور پر 26 ویں نمبر پر پہنچنے میں مدد کی ہے ۔ فاسٹ باولر محمد سراج سیریز میں 9 وکٹیں حاصل کرنے کے بعد ون ڈے بولرز کی فہرست میں 15 مقامات کی بڑی چھلانگ لگا کر تیسرے نمبر پر پہنچ چکے ہیں ۔ سراج کیریئر کے بہترین 685 پوائنٹس حاصل کرچکے ہیں اور اب وہ ٹرینٹ بولٹ (730) اور جوش ہیزلی ووڈ (727) کے قریب پہنچ گئے ہیں ۔ کلدیپ کو سری لنکا کے خلاف صرف 2 میچوں میں ان کے 5 وکٹوں کے بدلے باولرز کی رینکنگ میں 7 مقامات کی چھلانگ لگا کر 21 ویں نمبر پر پہنچنے میں مدد ملی ہے پاکستان کے آل راؤنڈر محمد نواز نیوزی لینڈ کے خلاف حال ہی میں ختم ہونے والی ون ڈے سیریز کے دوران 6 وکٹیں لینے کے بعد باؤلرز کی فہرست میں 12 درجے بہتری سے 28 ویں نمبر پر پہنچ گئے ہیں ۔