صحافی اجے لالوانی قتل کیس پر جے آئی ٹی تشکیل

پبلک نیوز: سکھر کے صحافی اجے لالوانی قتل کا معاملہ، چیئرمین پیپلز پارٹی بلاول بھٹو زرداری کی ہدایت پر وزیراعلی سندھ مراد علی شاہ نے جے آئی ٹی تشکیل دے دی ہے۔

تفصیلات کے مطابق سندھ حکومت نے ڈی آئی جی ذوالفقار لاڑک کی سربراہی میں جوائنٹ انٹیروگیشن ٹیم تشکیل دے دی۔ جی آئی ٹی میں آئی ایس آئی، انٹیلیجنس بیورو، رینجرز اسپیشل برانچ کے افسران کو شامل کیا جائے گا۔

جے آئی ٹی صحافی اجے لالوانی کے قتل کے محرکات معلوم کرکے رپورٹ جمع کروائے گی۔ محکمہ داخلہ سندھ کی جانب سے حکم دیا گیا ہے کہ تحقیقات مکمل کرکے رپورٹ 30 روز پیش کی جائے۔

اس خبر پر اپنی رائے کا اظہار کریں

اپنا تبصرہ بھیجیں