ویب ڈیسک: ابوجا، نائیجیریا کے یوتھ فیسٹول میں بھگڈر، 35 بچے جاں بحق، 6 زخمی ہوگئے۔
خبر ایجنسی کےمطابق یہ افسوسناک حادثہ نائیجیریا کی جنوب مغربی اویو ریاست کے دارالحکومت عبادان کے ایک اسلامی ہائی اسکول میں پیش آیا،اسکول کے یوتھ فیسٹیول میں 5 ہزار سے زائد افراد موجود تھے جن کے لیے مختلف کھیلوں اور انعامات کا اعلان کیا گیا تھا۔
پنڈال طلبا سے کھچا کھچ بھرا ہوا تھا اور ایک موقع پر نامعلوم وجوہات کے باعث بھگدڑ مچ گئی اور درجنوں افراد کچلے گئے۔
ایسوسی ایٹڈ پریس کے مطابق تقریب میں بھگدڑ مچنے سے کم از کم 35 طلبا جاں بحق ہوگئے جب کہ درجنوں زخمی ہیں،ہلاکتوں میں اضافے کا خدشہ ہے۔
پولیس کا کہنا ہے کہ تقریب کے منتظمین کو حراست میں لے کر تفتیش کا آغاز کردیا،بھگدڑ مچنے میں غفلت پائی گئی تو ذمہ داروں کے خلاف قانونی کارروائی ہوگی، پولیس نے انتظامیہ کے 8 افراد کو حراست میں لے لیا۔