اسلام آباد میں مارکیٹیں رات 9 بجے بند کرنے کا حکم

اسلام آباد نوٹیفکیشن کے مطابق بجلی کی بچت کے لیے مارکیٹوں اور تجارتی مراکز سے متعلق دفعہ 144 کے تحت پابندیوں کا اطلاق ہو گا۔ اب مارکیٹیں , دکانیں اور کاروبار رات 9 بجے بند ہونگے. تفصیلات کے مطابق وفاقی دارالحکومت اسلام آباد میں بجلی کی بچت کے لیے اوقات کار جاری کر دیے گئے ،اب مارکیٹیں، دکانیں اور کاروبار رات 9 بجے بند ہوںگے۔ نوٹیفکیشن کے مطابق اسلام آباد میں مارکیٹیں، دکانیں، گودام اور شاپنگ مالز رات 9 بجے بند ہو جائیں گے۔اس کے ساتھ شادی ہالز، شادی کی تقریبات اور لائٹنگ 10 بجے تک بند کی جائیں گی۔ اسلام آباد میں تجارتی و صنعتی مراکز، کلبز ،ریسٹورنٹس، سنیما ، پارک، اور تھیٹرز رات ساڑھے 11 بجے بند ہوں گے،نوٹیفکیشن میں بتایا گیا ہے کہ شہرِ اقتدار میں طبی مراکز، ایمبولینس سروس، بس اڈے ،پیٹرول پمپ، ، دودھ، دہی اور تندور کی دکانیں اور سبزی منڈی پابندی سے مستثنیٰ ہوں گے۔