پشاور: بین الاضلاعی ٹرانسپورٹ بند

پشاور (پبلک نیوز) 8 سے 16 مئی تک لگنے والے لاک ڈاون پر عملدرامد جاری۔ بازاروں کے ساتھ ساتھ شہر کے تمام اڈے مکمل طور پر بند۔

تفصیلات کے مطابق پشاور میں 8 سے 16 مئی تک لگنے والے لاک ڈاون پر عملدرامد جاری ہے اور بازاروں کے ساتھ ساتھ شہر کے تمام اڈے مکمل طور پر بند ہیں۔ حاجی کیمپ اڈہ، لاہور اڈہ، چارسدہ اڈہ اور کوہاٹ اڈے پشمول چھوٹے بڑے پرائیویٹ اڈے مکمل بند ہیں۔

اندرون شہر اور بین الاضلاعی ٹرانسپورٹ مکمل طور پر بند ہیں۔ شہر میں بی ار ٹی ٹرانسپورٹ بھی 8 سے 16 مئی تک بند رکھنے کا فیصلہ کیا گیا ہے۔ بی ار ٹی میں سفر کرنے والے بھی مشکلات کا شکار ہیں۔ عید پر دوسرے شہروں کو جانے والے مسافروں کو شدید مشکلات درپیش ہیں۔ مسافروں نے پرائیوٹ گاڑیوں میں دوگنے کرائے دیکر واپس جانا شروع کردیا۔

مسافروں کا کہنا ہے کہ حکومت ایس او پیز کے تحت ٹرانسپورٹ کی اجازت دے۔ ٹرانسپورٹ مکمل طور پر بند کرنا مسئلے کا حل نہیں، ہزاروں لوگوں کو امدورفت میں مشکلات ہیں۔

اس خبر پر اپنی رائے کا اظہار کریں

اپنا تبصرہ بھیجیں